صحيفة نبض الشعب الاسبوعيه رئيس التحرير جعفر الخابوري

ليه الفنان فريد شوقي هو الملك ؟!
——-
الفنان رياض القصبجي لما تعب وقعد في البيت خمس سنين حالته الماديه كانت بتتهـ ـاوي لانه مالوش دخل ووصلت لدرجه محدش يتصورها وفريد شوقي من اكتر الفنانين اللي كانوا بيزوره

مره بيشتكي لـ فريد شوقي ان أقرب أصحابه خزله و مسألش عنه ولا زاره مع انه ساعده كتيير وبكى اوي من حرقـ ـة الجـ ـحود اللي عايشه من الفنانين بص له فريد شوقي بضحك وقاله قاعد معاك الملك بـ نفسه مش مكفيك ولا ايه

فريد كان "شبه" أسبوعياً بيروح له البيت ويقعد معاه وياخد معاه اكل يكفيهم أطول فتره
ويشوف اي ناقصهم فلوس لبس اي حاجه
واستمر فريد شوقي يراعي ولاده حتى بعد وفاته وكان بيبعت لهم مبلغ شهري ويقولهم ،، ده حق ابوكم ..

اللي حكى كل ده ابن رياض القصبجي
ومتكسفش وهو بيحكي بالعكس كان فخور ان والده له صاحب زي فريد شوقي وقف جنبه في محنته وعشان كده تلاقي ان فريد شوقي من الفنانين القلائل اللي في الزمن ده اللي مـ ـات والناس كلها بتحبه
رحمهم الله جميعا